|
پیری تُف دِ ریت/وا ایی زیشتت
|
چَشیات هان دِ چال/گَپ بیهَ پتت
|
|
یواش وِ ره رووی / تلوُ تلوُ تهَ
|
صحوو صد بِرار/کَسْ نگووهَ تاتهَ
|
|
چی عَلَم بی کاسهَ / حلی حلیتهَ
|
باد که وِر کَنهَ / رعتی رعتیتهَ
|
|
رَن گم کِردیهَ/آخ سی بی کَسی
|
چنوُ وِ ره روُوی / منی که مَسی
|
|
همیشه تنیا / غاپوره ناری
|
بَکنی وِ در / اُفتی دِ چالی
|
|
افتی یاد قدیم / سی رفیقوُنت
|
اوُسهَ می گشتن / وِ شوُناشوُنت
|
|
کی چی قدیمهَ / پتروُ وات با
|
اینترنتیهَ / وا کارتی وات با
|
|
عابر بانک ناری / سر ندراری
|
اشتباه بَکی / روُوی و خواری
|
|
فنی ضعیفهَ / دَس فرمو ناری
|
مجبوری بِحسی/ بَنیرهَ تاکسی
|
|
اَر بیمه ناری / افتیو پیسی
|
دَه کُر داشتوُوی/ آخربی کَسی
|
|
مثل قدیم نی / حوُنهَ تو گَپ با
|
آپارتموُنهَ / هی جا پایات با
|
|
آلزایمرِ گیری / بوُوی چی لیوهَ
|
ویتامین ب کَمه / تعادُل شیوهَ
|
|
هیچکَس بیکار نی/احوال بَپُرسهَ
|
سیل کوُ زمونهَ / بی حنا رسهَ
|
|
هَر کاری داری / تلیفوُنیهَ
|
اَر خط خروُوبا / اس مِسیهَ
|
|
کار کیخوایموُ/ بیهَ چَت کِردن
|
عروُسی کنن/ یان دِ داد کِردن
|
|
در آمد نارَن / همه بی کارَن
|
سر بُرج که بوُوهَ/ کُل بدهکارَن
|
|
همه چی برقی / غذا شیمیایی
|
سیر وُسخت بحوُر/دِ وی هُماری
|
